PAARL SPCA

 PAARL DBV

Moet asseblief nie hondtjies langs die pad koop nie!!

Klein hondjies is altyd tog te dierbaar, en dis partymal moeilik om in hulle gesiggies te kyk en dan besluit om nie 'n hondjie te koop of aan te neem nie. 

  

Die Paarl SPCA/DBV wil die publiek vra om asseblief NIE hondjies langs die pad te koop nie.

  

As u 'n hondjie soek, maak 'n draai by die SPCA/DBV en neem 'n hondjie aan, of gaan koop liewers by 'n troeteldier winkel.

  

WAT IS DIE STORIE?

Hierdie mense staan in die omgewing van Klapmuts langs die pad en verkoop dan klein hondjies aan die publiek. 

  

HOEKOM IS DIT 'N PROBLEEM?

Hierdie hondjies is nie altyd gesond nie. En mens kan nie altyd die siektes wat aansteeklik is vir die mens, dadelik raak sien nie. So koop u 'n hondjie wat jou hele familie baie siek kan maak en jou ander troeteldiere by die huis aansteek.

  

  

HOE KAN ONS DIT STOP?

Dit is baie moeilik om hierdie ouens gestop te kry. 

Die Paarl SPCA/DBV kan hierdie ouens net aankla as daar dieremishandeling betrokke is. 

As die Polisie hulle inhegtenis neem en hulle verskyn in die hof, vertel hulle net dat hulle die hondjies verkoop het om geld vir kos te kry. So word die saak uitgegooi en almal se tyd is gemors!

Die enigste manier hoe ons hierdie ouens gestop gaan kry, is deur hulle nie te ondersteun nie. As niemand koop nie, het hulle nie meer rede om te verkoop nie.

Help ons om van hierdie nare besigheid ontslae te raak. 

WIE MOET ONS KONTAK ?

Die Paarl SPCA/DBV reageer op elke klagte wat hulle inkry, maar hierdie saak is vir ons baie moeilik, want die Paarl SPCA/DBV mag hierdie honde net afneem as daar enige tekens van dieremishandeling is. 

En hierdie ouens is slim. Hulle sorg dat die hondjies altyd water by hulle het, dus is daar geen tekens van dieremishandeling nie. Of sodra hulle ons bakkie sien, dan hardloop hulle weg.

Die Klapmuts Polisie is bewus van hierdie probleem en het al heelwat van hierdie hondjies afgeneem en na die Paarl SPCA/DBV gebring. Ons kan dan kyk of die hondjies gesond is en dan kan mense hulle weer deur die Paarl SPCA/DBV aanneem.

So ons wil die publiek aanraai om asseblief die Klapmuts Polisie te bel as u sien dat mense hondjies langs die pad verkoop. Hulle kontak nommer is: 021 875 8000.